假如…您心愛的狗狗患上急性胃「膾楊」，
假如…您心愛的狗狗腎衰褐，
假如…您心愛的狗狗膀胱炎，
假如…您心愛的狗狗血糖過份低，
假如…您心愛的狗狗有少少中風跡象，
您會如何？
這一切正直出現在我的狗狗(BB)身上，
今日同太太睇完BB的驗血怖告，醫生話病好的機會得兩成，我直頭好似被刀剌一樣痛。
早排BB又開始冇胃口食野，口腔又再發炎，最終要將牙仔全部拔掉，當日做完手術後第二晚，
BB竟然發狂食野，我當然好開心，但過了一日，又再冇胃口，起初以為冇哂牙仔唔習慣，
直到幾日前開始痾黑屎，再睇醫生等驗血。
現在BB身體越來越弱，下，內耳，眼白開始變黃，身體已瘦到得15磅。
正在留院吊鹽水，醫生話可以做的都做哂，呢幾日是關鍵時刻，要睇佢本身意志。
今日去醫院探BB時，BB好用力將頭抬起望我，我同太太都忍唔住…
呢刻我真係冇哂理性，到底我應該選擇佢生命自然地去到盡頭？還是令佢盡快脫離痛苦？
其實我咁講係咪等於我已放棄？
有幾位在獸醫院工作的朋友睇過份怖告，意見都差不多，要我有心理準備。
到底我還可以做什麼去改變一切？
但願這一切從未發生過…
其實我都唔知自已想表達咩？
只係想將難受的內心舒發出來！